“Britaniyalı deputat Marqaret Hodcun ittihamlarını qətiyyətlə rədd edirik!”

“Rusiya da bizə yaxın ölkədir, Azərbaycanla müttəfiq ölkədir.  Ukrayna da bizim starateji  tərəfdaşımızdır.  Biz bu müharibədə tərəf deyilik.  Biz Ukraynaya humanitar yardım edirik. Amma  heç  Ukrayna bizə humanitar yardımı da etməyib.  Azərbayacanın  44 günlük Vətən müharibəsində Ukraynada  5 nəfər çıxıb Ermənistanın səfirliyinin qarşısında aksiya da keçirmədi.” Bu açıqlamanı Moderator.az saytına BAXCP sədrinin müavini, QHT sədri, AXC  Tv-nin baş redaktoru Niyaməddin Orduxanlı bildirib. Onun sözlərinə görə, Britaniya parlamentinin Leyboristlər partiyasının təmsilçisi Marqaret Hodc Azərbaycana qarşı təxribatla məşğuldur:” Ukrayna  bizə görə balaça Ermənistanla belə münasibətləri pozmadı . Bizim Rusiyada 2 milyon azərbaycanlı yaşayır.  Buna görə də biz Rusiya ilə necə münasibətləri poza bilərik? Biz bu münaqişəyə qatışmırıq. Görünür bizim bu mövqeyimiz  Britaniya parlamentinin Leyboristlər partiyasının təmsilçisi Marqaret Hodcun xoşuna gəlmir. Amma yaxşı olardı ki, bu qadın öz hökümətindən tələb etsin ki, niyə Ukraynanı bu günə saldınız və indi də tək buraxmısınız? Bu qadının Azərbaycanla bağlı bu cür ittihamlarını qətiyyələ rədd edirik. Bu adamlar təxribatçı adamlardı və bu cür təxribatlarla heçnəyə nail ola bilməyəcəklər!”