Martın 10-da Bakıda və Abşeron yarımadasında havanın dəyişkən buludlu olacağı, əsasən yağmursuz keçəcəyi gözlənilir.

Ekologiya və Təbii Sərvətlər Nazirliyinin Milli Hidrometeorologiya Departamentindən  verilən məlumata görə, sabah bəzi yerlərdə duman olacaq. Şimal küləyi gündüz cənub şərq küləyi ilə əvəz olunacaq

Havanın temperaturu gecə 5-8 dərəcə, gündüz 10-15 dərəcə, Bakıda gecə 5-7 dərəcə, gündüz 12-14 dərəcə isti olacaq.

Həmçinin Azərbaycanın rayonlarında hava şəraiti əsasən yağmursuz keçəcək, gecə və səhər bəzi yerlərdə duman, şərq rayonlarında çiskin olacaq, zəif şərq küləyi əsəcək.

Havanın temperaturu Aran rayonlarında gecə 5-10 dərəcə, gündüz 15-20 dərəcə isti, dağlıq rayonlarda gecə 0-5 dərəcə, gündüz 9-14 dərəcə isti olacaq.