Bu gün dünya çempionatında növbəti oyunlar keçiriləcək.
Elchi.az apasport.az-a istinadən xəbər verir ki, azarkeşlər bu dəfə 3 qarşılaşmaya şahidlik edəcəklər.
İlk olaraq meydana Misirlə Uruqvay çıxacaq. A qrupunda növbəti mərhələyə namizədlər arasında göstərilən komandaların mübarizəsinə maraq kifayət qədərdi. Birincilərin lideri Məhəmməd Salahın iştirakı sual altındadı. Bu qarşılaşmada qələbə qazanacaq komanda ciddi mənada üstünlük əldə etmiş olacaq.
Ardından B qrupunda mübarizəyə start veriləcək. Əvvəlcə qrupun autsayderləri Mərakeşlə İran münasibətlərinə aydınlıq gətirəcək. Gözlənilənin əksinə, sürpriz etmək arzusunda olan komandalar əvvəlcə ilk turda qələbə qazanmalıdı.
Dünya çempionatı
Qrup mərhələsi, I tur
15 iyun
A qrupu
16:00. Misir – Uruqvay
Baş hakim: Byörn Kuypers (Hollandiya)
Yekaterinburq, Mərkəzi arena
B qrupu
19:00. Mərakeş – İran
Baş hakim: Cüneyt Çakır (Türkiyə)
Sankt-Peterburq, “Krestovski” stadionu
22:00. Portuqaliya – İspaniya
Baş hakim: Canluka Rokki (İtaliya)
Soçi, “Fişt” stadionu
