Hökumət ən yoxsul təbəqəyə yeni bir şans vermək qərarına gəlib
Xorvatiya hökuməti ölkənin ən yoxsul təbəqəsinin bütün borclarını silindiyini açıqlayıb.
ANS PRESS-in məlumatına görə, “Yeni başlanğıc” olaraq adlandırılan borc silmə kampaniyası 60 minə yaxın insanı əhatə edib. Bu qərar daxili bazarda istehlakın canlandırılması məqsədilə verilib.
Ümumilikdə, 26,5 milyon avroluq borcun silinəcəyi təxmin edilir. Xorvat hökumətinin “yeni başlanğıc” kampaniyasından faydalanmaq istəyənlər isə müəyyən meyarları yerinə yetirməlidirlər. Aylıq ev təsərrüfatlarının gəliri 130 avrodan yüksək olanlar isə bu plana daxil edilməyib.
Eyni zamanda, hər hansı bir mülk sahibi və bankda əmanəti olanlar da kampaniyadan kənarda qalacaq.
Hökumətdən bildirilib ki, bu addım yoxsullara yeni bir şans vermək üçün atılıb.
ANS PRESS
