Google şirkətinin baş icraçı direktoru Sundar Pichai bəyan edib ki, cəmiyyət süni intellektin sürətli inkişafına hazırlaşmalıdır.
Elchi.az xəbər verir ki,ABŞ mətbuatında çıxan xəbərlərə görə, CBS televiziyasına müsahibə verən Pichai, Google-un süni intellekt sisteminin necə işlədiyini “tam başa düşmədiyini” qeyd edib. Cəmiyyətin buna uyğunlaşması lazım olduğunu bildirən Piçai, süni intellekt səbəbindən işini itirənlər arasında yazıçıların, mühasiblərin, memarların, hətta proqram mühəndislərinin də olacağını bildirib.
Süni intellektin sürətli inkişafı ilə bağlı gələcəkdə yalan və ya saxta məlumatların sürətlə yayılmasının daha çox olacağını ifadə edən Pichai, cəmiyyətin süni intellektin daha təhlükəsiz olması üçün edilən qaydalara uyğunlaşması lazım olduğunu vurğuladı. Pichai qeyd edib ki, süni intellektin inkişafına təkcə proqram tərtibatçıları deyil, həm də filosoflar, sosial elmlər və əxlaq elmləri mütəxəssisləri töhfə verməlidir.
Cəmiyyətin texnologiyanın inkişaf tempinə tam uyğun gəlmədiyini bildirən Piçai, insanların süni intellekt texnologiyasına tam hazır olmadığını, lakin geriyə baxdıqda bu mövzularda məlumatlılıqlarının artdığını bildirib.
Pichai, Google-un süni intellekt chatbotu “Bard” kimi texnologiyaları “tam başa düşülməyən qara qutu” kimi təsvir etdi.
Nuranə Məmmədova
