Cənubi Koreya prezidenti Yoon Suk-yeol, Şimali Koreyanın nüvə və raket inkişafı proqramlarının Hind-Sakit okean regionu üçün “ekzistensial təhlükə” olduğunu qeyd edərək, BMT Təhlükəsizlik Şurasının (BMT TŞ) Pxenyana qarşı sanksiyalarını “ciddi” icra etməyə çağırıb.
Elchi.az Yonhap-a istinadən xəbər verir ki, Prezident Aparatından verilən açıqlamaya əsasən, Yoon İndoneziyanın paytaxtı Cakartada keçirilən 43-cü ASEAN Zirvəsi çərçivəsində keçirilən Şərqi Asiya Sammitində (EAS) çıxış edib.
Yoon bildirib ki, həm ölkəsi, həm də ASEAN həmrəylik içində hərəkət edərək, Hind-Sakit Okeanda əhatəlilik, etimad və qarşılıqlılıq prinsiplərinə əsaslanan nizam-intizam yaratmaqla regionda azadlıq, sülh və rifahı hədəfləyir.
BMT Təhlükəsizlik Şurasının Şimali Koreyaya qarşı tətbiq etdiyi sanksiyalara əməl etmənin “məsuliyyətini” vurğulayan Yoon, “Şimali Koreyanın nüvə və raket proqramları BMT Təhlükəsizlik Şurasının qətnamələrinin ciddi şəkildə pozulması, dünya sülhünə birbaşa meydan oxumaq və bu toplantıda iştirak edən bütün xalqlar üçün ekzistensial təhlükədir. ” ifadələrdən istifadə etmişdir.
Yoon Pxenyanın nüvə və raket proqramları üçün maliyyə mənbələrinin bloklanmasının zəruriliyinə diqqət çəkərək, ölkələri buna çağırıb.
Şayəstə Hüseynova
