Cənubi Koreya prezidenti Yoon Suk Yeol bəyan edib ki, Şimali Koreyanın istənilən təxribatına qarşı ölkəni müdafiə etmək üçün “dərhal və üstünlüklə” cavab vermək qabiliyyətini gücləndirəcəklər.
Elchi.az xəbər verir ki, Yonhap-ın məlumatına görə, Yoon Koreya Veteranlar Dərnəyinin 71-ci ildönümü mərasimində “Şimali Koreya təhlükəsi” ilə bağlı açıqlama verib.
Cənubi Koreyanın təhlükəsizliyinin daxildən və xaricdən təhdid altında olduğunu bildirən Yoon, “Üstəlik, saxta xəbərlər və yalan manipulyasiyalar vasitəsilə edilən təxribatlar bu ölkənin demokratiyasını təhdid edir”-deyib.
Yoon Şimali Koreyanın nüvə təhdidlərinin və təxribatlarının qarşısını almaq üçün Cənubi Koreya-ABŞ ittifaqını nüvə əsaslı ittifaq səviyyəsinə yüksəltdiklərini ifadə edib.
Digər tərəfdən, Müdafiə Nazirliyindən verilən açıqlamada ordunun Şimali Koreyanın mümkün hücumlarına qarşı hazır olduğu bildirilib.
“Şimali Koreya nüvə silahından istifadə etməyə cəhd edərsə, rejiminin sonu ilə üzləşəcək”, – bəyanatda deyilir.
Nuranə Məmmədova
