Cənubi Koreya və Yaponiya 9 ildən sonra iki ölkənin xarici işlər nazirlərinin müavinlərinin iştirakı ilə ilk dəfə “strateji dialoq” görüşü keçirib.
Elchi.az xəbər verir ki, Cənubi Koreya xarici işlər nazirinin birinci müavini Çanq Ho-jin və yaponiyalı həmkarı Okano Masataka Cənubi Koreyanın paytaxtı Seulda görüşüb.
Son 9 ildə ilk dəfə keçirilən “strateji dialoq” görüşündə regional və qlobal problemlər, eləcə də ikitərəfli münasibətlər müzakirə olunub.
Cənubi Koreya və Yaponiya arasında strateji dialoq kanalı 2005-ci ildə yaradılıb, lakin son görüş ikitərəfli münasibətlərin soyumasından sonra 2014-cü ildə keçirilib.
Şayəstə Hüseynova
