Çad hökuməti təhlükəsizlik səbəbiylə Sudanla sərhədlərinin qeyri-müəyyən müddətə bağlandığını açıqlayıb.
Elchi.az xəbər verir ki, Çad müharibə edən tərəfləri dialoqa dəvət edərək təvazökarlıq və sakitliyə çağırıb.
Sudanda eskalasiya ordu ilə Çevik Dəstək Qüvvələri (HDK) arasında hərbi təhlükəsizlik islahatı ilə bağlı bir sıra fikir ayrılıqlarından sonra baş verib.
Sudanda nə baş verib?
Sudan ordusu aprelin 13-də verdiyi açıqlamada paralel ordu kimi fəaliyyət göstərən HDK üzvlərinin paytaxt və bəzi şəhərlərdə hərəkətinin təhlükəsizlik riski yaratdığını bildirərək, ordunun razılığı olmadan bu addıma son qoyulmasını tələb edib.
Aprelin 12-də milli mətbuatda HDK-nın Meravi hava limanı və ölkənin şimalındakı ordunun hərbi bazası ətrafında yerləşdirildiyi barədə xəbərlər yayılmışdı.
Sudanın paytaxtı Xartum və müxtəlif şəhərlərində səhər saatlarında ordu ilə HDK arasında silahlı toqquşma baş verib. Paytaxt Xartumda Prezident Sarayı yaxınlığında və bir çox şəhərlərdə qarşıdurmalar davam edir.
Yeganə
