Azərbaycan Beynəlxalq Bankının 1 milyard aktivi olsa da, mənfəəti cəmi 65 milyondur
Samir Əliyev: «Beynəxlaq Bank idraetmə sistemində əhəmiyyətli dəyişiklik etməlidir»
Azərbaycan Beynəlxalq Bankının (ABB) aktivləri son bir ildə 22,7% artaraq 2015-ci il yanvarın 1-nə 8,8 milyard manata çatıb. Bankın mətbuat xidmətinin yaydığı məlumata görə, ABB-nin kredit portfeli illik müqayisədə 16,6% artaraq 2015-ci il yanvarın 1-nə 5,868 milyard manata çatıb. Fiziki şəxslərə verilən kreditlər 678,5 milyon manat təşkil edib.
Ötən il ərzində əhali banka 117,3 milyon manat həcmində əmanət qoyub. Beləliklə, 1 yanvar 2015-ci il tarixinə əhalinin ABB-dəki əmanətlərinin həcmi 1,73 milyard manata bərabər olub.ÿ
Bankın məcmu kapitalı isə 1 milyard manatı ötərək 1,0084 milyard manata çatıb. ABB-nin nizamnamə kapitalının həcmi 590,2 milyon manata çatdırılıb.ÿ
Bankın gəlirləri 585,8 milyon manat təşkil edib. 2014-ci ildə ABB-nin xalis mənfəəti isə 64,5 milyon manat olub.
Açıqlanan rəqəmlərdə maraq doğuran bəzi nüanslar var. Öncə onu vurğulamq yerinə düşər ki, bankın məcmu kapitalı 1 milyard manatı ötsə də, il ərzində xalis mənfəəti isə 64,5 milyon manat təşkil edib.
S.Əliyev hesab edir ki, ABB-də gəlirləri optimalaşdırmağa ehtiyac var. Yəni bankın həddindən artıq xərcləri var. “Digər tərəfdən, mənfəətin səhmdarlar arasında bölüşdürülməsi məsələsi var. Ona görə banklar ya mənfəətlərini ya azaldırlar, ya da, ümumiyyətlə, mənfəətin olmasına imkan vermirlər. Beynəlxalq Bank çox böyük bankdır. Bu bankın idarəetməsi digər özəl banklarla müqayisədə arzuolunan səviyyədə deyil. Banka dövlət dəstəyi nəticəsində xərclər artır. Xərclərin artması isə sonda mənfəətin azalmasına gətirib çıxarır. Ona görə Beynəxlaq Bank idraetmə sistemində əhəmiyyətli dəyişiklik etməlidir”.
