Pekin bu həftə hərbi xidmətə çağırış siyasətinə yenidən baxıldığını elan edib və bildirib ki, Çin hərbi vəziyyətə girərsə, kollecləri tərk edənlər və ixtisaslı tələbələr siyahıda birinci olacaqlar.
Elchi.az “Fox News”-a istinadən xəbər verir ki, hərbi xidmətə çağırış siyasətində dəyişikliklər Tayvan prezidenti Tsay İnq-venin ABŞ-a səfərindən bir neçə gün sonra, Nümayəndələr Palatasının sədri Kevin Makkarti ilə görüşündən sonra baş verib.
Çin bu dəyişiklikləri Xalq Azadlıq Ordusunun modernləşdirilməsi və döyüş effektivliyinin artırılması üçün zəruri addım kimi təqdim edir.
Bununla belə, telekanal qeyd edib ki, ölkənin ən savadlı vətəndaşlarının hərbi çağırışa prioritet cəlb edilməsi təkcə Qərbdə deyil, həm də Çində qəbul edilən ənənəvi hərbi çağırış təcrübələrinə ziddir.
“Xalq Qurtuluş Ordusu tarixən əsasını kənd yerlərindən çağırışçılardan təşkil edən ordudur. İnanıram ki, Çin prezidenti Si Cinpin Çin cəmiyyətinin bütün təbəqələrinin milli hərbi quruculuğun bir hissəsi olduğunu bəyan etməklə öz partiyasını daha da gücləndirəcək”, -deyə ABŞ müdafiə nazirinin Şərqi Asiya üzrə köməkçisinin müavini Heino Klink “Fox News” telekanalına müsahibəsində bildirib.
Yeganə
