NATO-ya üzv dövlətlərin baş katibi Yens Stoltenberqin varisi ilə bağlı konsensusa gələ bilməməsi alyans daxilində getdikcə daha çox ixtilafın olduğunu göstərir.
Elchi.az xəbər verir ki, bu barədə Çinin “Global Times” qəzeti məlumat yayıb .
Müəllifin fikrincə, Stoltenberqin səlahiyyət müddətinin uzadılması qərarı bir neçə məsələdə, o cümlədən Rusiya-Ukrayna münaqişəsi və Çinə yanaşmada ümumi dil tapmağa cəhddir. Jurnalist təşkilat daxilində fikir ayrılıqlarının getdikcə artdığına, ümumi qərarlar üzərində razılaşmanın getdikcə çətinləşdiyinə diqqət çəkib.
Çin Sosial Elmlər Akademiyasının Avropa Tədqiqatları İnstitutunun tədqiqatçısı “Zhao Junjie” hesab edir ki, NATO-nun genişlənməsi digər ölkələri Çini cilovlamaqda “ABŞ-ın piyonu”na çevrilir. Ekspertin fikrincə, NATO-nun baş katibi postuna növbəti ən çox ehtimal olunan namizəd Avropa Komissiyasının sədri Ursula von der Leyendir .
“O, Avropada Amerika direktivlərinin və hərbi strategiyalarının vicdanla həyata keçirilməsi üçün ən yaxşı namizəddir”
İyulun 3-də məlum olub ki, Yens Stoltenberq daha bir il NATO-nun baş katibi vəzifəsində qalacaq.
Nuranə Məmmədova
