Sinxua agentliyi xəbər verir ki, Çin və Gürcüstanın hakimiyyət orqanları iki ölkə arasında strateji tərəfdaşlığın yaradılmasını elan ediblər.
Elchi.az bu barədə News.am-a istinadən bildirir.
Agentliyin məlumatına görə, müvafiq qərar Gürcüstanın baş naziri İrakli Qaribaşvilinin Çinə səfəri zamanı qəbul edilib. Mətni agentlik tərəfindən yayılan birgə bəyanata görə, Pekin və Tbilisi həm siyasi qarşılıqlı əlaqəni, həm də iqtisadiyyat və mədəniyyət sahələrində əməkdaşlığı dərinləşdirməyi planlaşdırır.
“Tərəflər beynəlxalq məsələlərin həllində koordinasiyanı inkişaf etdirəcək, ikitərəfli dövlətlərarası münasibətləri dərinləşdirməyə davam edəcək, bütün dünyada olduğu kimi, regionda da sülhü, sabitliyi və inkişafı birlikdə təmin edəcəklər”, – deyə bəyanatda vurğulanır.
Xatırladaq ki, Gürcüstanın baş naziri Çenqduda (Siçuan əyaləti) 31-ci Yay Universiadasının açılışında iştirak etmək üçün Çinə gəlib.
Yeganə
