Ukraynadakı münaqişə tərəfləri atəşə yağ tökməməli, sülh yolu ilə nizamlanmasına töhfə verməlidir. Elchi.az TASS-a istinadən xəbər verir ki, Xarici İşlər Nazirliyinin rəsmi nümayəndəsi Mao Ninq Londonun Kiyevə tükənmiş uran mərmilərinin çatdırılmasına belə reaksiya verib.
“Maraqlı tərəflər gərgin vəziyyəti soyutmalı və atəşə yağ tökməməli, münaqişənin diplomatik həllinə töhfə verməli və vəziyyəti daha da gərginləşdirməməlidir”, – Çin departamentinin nümayəndəsi çağırıb.
Bundan əvvəl Böyük Britaniya Müdafiə Nazirliyinin rəis müavini Ceyms Hippi Londonun Kiyevə “Challenger 2” tankları üçün minlərlə mərmi, o cümlədən tükənmiş uranla təchiz olunduğunu açıqlamışdı. Rusiya prezidentinin mətbuat katibi Dmitri Peskov bildirib ki, Böyük Britaniya bu cür tədarüklərin nəticələrinə görə məsuliyyət daşımalı olacaq.
Havar Şəfiyeva
