Çinin dövlət təhlükəsizlik orqanları Britaniyanın MI6 kəşfiyyat xidməti tərəfindən üçüncü ölkə vətəndaşının Çinə qarşı casusluq fəaliyyəti üçün istifadə edilməsi ilə bağlı işi üzə çıxarıb. Elchi.az xəbər verir ki, RİA Novosti bu barədə Çin Xalq Respublikasının Dövlət Təhlükəsizlik Nazirliyinin bəyanatına istinadən məlumat verir.
Huang soyadlı əcnəbi vətəndaş xaricdə konsaltinq təşkilatının rəhbəri vəzifəsində çalışıb və 2015-ci ildə Çində kəşfiyyat məlumatları toplamaq üçün MI6 tərəfindən işə götürülüb. Həmin şəxs Mİ6-da peşəkar təlim keçib və xüsusi avadanlıq alıb.
Qeyd edək ki, əvvəllər Britaniya casusluq şübhələrinə görə çinli işçiləri işə götürməkdən imtina edirdi. Keçən ilin oktyabr ayında Honq-Konq sakinlərinə hərbi gəmilərdə işə qəbul edilməməsi və bir işdən çıxarılması ilə bağlı üç hadisə baş verib.
Havar Şəfiyeva
