“Məni əsmə tutur, bunu mənə yaşatmayın”
“Bu görüntülərə baxa bilmirəm”
ARB TV-nin “Gəlin danışaq” verilişinin qonağı olan gitarist-müğənni Çingiz Mustafayev maraqlı açıqlamalar verib.
Verilişdə “Ukraynanın səsi” yarışmasındakı görüntülərinin yayımlanması müğənnini narahat edib:
“Bunu mənə yaşatmayın, nə olar. Bu görüntüləri hər izləyəndə stress yaşayıram, məni əsmə tutur, baxa bilmirəm çıxışıma. Orada çıxışım zamanı müəyyən texniki problemlər yaşadım. Hamı gitaramın simlərinin qırıldığını düşünsə də, əksinə idi. Problem onların texnikasında idi. Gitaranın səsi kəsildi. Amma daha özləri bu cür vurğuladı ki, gitaranın simləri qırılıb. Çünki dünya səviyyəli yarışmada bu cür problemin olmasını açıb ağartmadılar. İmiclərinə xələl gələrdi. Orada 10 saniyə ərzində gözümün qarşısına Bakıya qayıdanda nələrlə qarşılaşacağım, bizim saytların mənim haqqımda yazacaqları gəldi. Çünki düşündüm ki, jürinin heç biri dönməyəcək və media yazacaq ki, “Çingiz Ukraynada özünü biabır etdi” və s. Düşündüm ki, Bakıya qayıdanda məni sürüyəcəklər. Amma yaxşı ki, jürinin 4-ü çevrildi”.
