Çinin BMT-dəki daimi nümayəndəsinin müavini Qenq Şuanq deyib ki, BMT Təhlükəsizlik Şurasının “Şimal axını 1” və “Şimal axını 2” qaz kəmərlərində təxribatların araşdırılmasına dair qətnamə layihəsini dəstəkləməyən ölkələr nəyisə gizlədirlər. Elchi.az bu barədə RİA Novostiyə istinadən xəbər verir.
Onun sözlərinə görə, bir sıra ölkələr əsassız ittihamların istintaq hərəkətlərinin nəticəsini əvvəlcədən müəyyən etdiyini əsaslandırıb.
Martın 27-də bildirildi ki, BMT Təhlükəsizlik Şurası Rusiya və Çinin Rusiya qaz kəmərlərində təxribatı araşdırmaq üçün qətnamə qəbul etməyib. Belarus, Venesuela, Şimali Koreya, Nikaraqua, Suriya və Eritreya sənədin sponsoru olub.
Qətnamə Rusiya, Çin və Braziliya tərəfindən dəstəkləndi, heç kim əleyhinə səs vermədi, Albaniya, Qabon, Böyük Britaniya, Qana, Mozambik, Malta, BƏƏ, Fransa, ABŞ, İsveçrə, Yaponiya və Ekvador səsvermədə bitərəf qalıb.
Havar Şəfiyeva
