Bundan əvvəl Kiyev bu sənədləri saxta adlandırmışdı.
Elchi.az xəbər verir ki, Ukrayna prezidenti Vladimir Zelenskinin ofisinə yaxın olan anonim mənbə CNN-ə bildirib ki, Kiyev məxfi sənədləri sızdırdıqdan sonra “bəzi planlarını” dəyişib.
“Ukrayna artıq informasiya sızması səbəbindən bəzi hərbi planlarını dəyişib”, – adının açıqlanmasını istəməyən mənbə bildirib.
Dəyişikliklərin miqyası, eləcə də bu barədə hər hansı konkret məlumat naməlum olaraq qalıb.
Xatırladaq ki, cümə axşamı, aprelin 7-də Pentaqon sosial şəbəkədə Ukrayna qoşunlarının vəziyyətini, ABŞ və NATO-nun onları gücləndirmək planlarını təsvir edən məxfi materialların sızmasını araşdırır. Ertəsi gün yeni bir məlumat ortaya çıxdı. Ümumilikdə 100-dən çox sənədin ictimai mülkiyyətdə olduğu bildirilir.
Reuters agentliyi Amerika prezidentinin administrasiyasındakı mənbələrə istinadən yazıb ki, onlarda olan məlumatlar köhnəlmiş, sənədlərin özü isə saxtalaşdırıla bilər. Bununla belə, Pentaqon məlumatın sızmasından narahatdır.
Şayəstə
