Cümə günü Kopenhagendə müqəddəs kitabların yandırılması ilə bağlı dörd aksiya planlaşdırılır.
Elchi.az xəbər verir ki, bu barədə “Dagens nyheter” qəzeti məlumat yayıb.
“Xüsusilə, ifrat sağçı Danimarka Vətənpərvərlər Qrupunun nümayəndələri tərəfindən iki aksiya keçiriləcək: biri İslam Dini İcmasının binası qarşısında, digəri isə Tinqbyerq şəhərinin şimal-şərqində. Bundan əvvəl qrupun fəalları Misir, Türkiyə və İraq səfirliklərinin binaları qarşısında Quranı yandırıblar”, – məlumatda deyilir.
İraq səfirliyi qarşısında daha bir nümayiş planlaşdırılır, təşkilatçılar islamı tənqid etmək niyyətindədirlər:
“Dördüncü nümayiş parlament, Baş nazirlik və Ali Məhkəmənin yerləşdiyi Kristiansborq sarayının qarşısında baş tutacaq. Bu aksiyanın məqsədi isə Qurani-Kərimin yandırılmasına etiraz etməkdir”.
