“Azərbaycan təhsilində müsbət dəyişiklikləri və islahatları vacib hesab edirəm. Müəllimlərin sertifikasiyasını da dəstəkləyirəm. Bu cür təhlillərə və araşdırmalara ehtiyacın olduğunu düşünürəm. Ancaq hesab edirəm sertifikasiyanın nəticələrinin bu formada ictimailəşdirilməsi təhsilimizin inkişafına töhfə vermir”.
Elchi.az xəbər verir ki, bu barədə millət vəkili Ceyhun Bayramov FB hesabında qeyd edib:
“Məncə, sertifikasiyanın nəticələrinin ictimailəşdirilməsi təhsilimizin inkişafına ona görə töhfə vermir ki, bu, müəllimlərimizin əhval-ruhiyyəsinə və motivasiyasına müsbət yox, mənfi təsir göstərir. İkinci şagirdlərin müəllimlərə inamını zədələyir. Ona görə bu cür nəticə və məlumatlardan xidməti məqsədlə istifadə daha məqsədə uyğundur.
Bu gün biz gücümüzü daha çox müəllimlərin əhval-ruhiyyəsini yüksək saxlamağa yönləndirməliyik. Əlbəttə qüsur və xəta varsa ciddi cəza da olmalıdır”.
