Deputatdan Münhen görüşlərinin əhəmiyyəti barədə açıqlamalar

Zahid Oruc öncə bildirdi ki, əgər prezidentin son dörd aydakı fəaliyyətinin əsas məqamlarına diqqət yetirməli olsaq, deməliyik ki, heç şübhəsiz, burada ölkə daxilindəki sosial-iqtisadi məsələlər üstünlük təşkil edib. Demək olar ki, qərarların 70-80 faizini əsasən maliyyə-iqtisadi sabitliyin təmin olunması üçün və islahatların dərinləşdirilməsi, qeyri-neft sektorunun inkişafı məsələləri təşkil edib.

Lakin bununla bərabər olaraq Azərbaycan prezidenti beynəlxalq siyasi hadisələri dərindən təhlil etmək və orada ölkəmizin maraqlarını güclü bir şəkildə qorumaq üçün də həm Davos Forumu, sonra Londonda Suriyaya dəstək konfransı, ardınca isə Münhen Təhlükəsizlik Konfransında iştirak etdi.

Bu, dəqiq hədəflərə yönəlmiş bir xarici siyasət kursudur: “Açıq demək lazımdır ki, bu tədbirlərin tribunası kifayət qədər böyükdür. Dünyanın əsas informasiya vasitələri bu tədbirləri hər gün işıqlandırır və onun üzərindən həm ölkəmizin müxtəlif diplomatik maraqlarını təqdim etmək, mövqeyini ortalığa qoymaq imkanları əldə edilir. Bir çoxları düşünə bilərdi ki, Azərbaycanın bu və ya digər səbəblərə görə sanksiya rejimi altına salmaq istəyən dairələrin mövqeyi üstünlük təşkil edəcək, Azərbaycan əsas siyasi qərarları verən beynəlxalq qüvvələrdən kənar düşəcək, Azərbaycanın yolları bloklanacaq, bizim ölkəmizlə tərəfdaşlıq etmək istəyən Qərb dairələrinin əlaqələri kəsiləcək və sair.

Bunlar baş vermədi. Həm Davosda keçirilən görüşlərə, həm London və Münhendəki görüşlərin ümumi dairəsi, həmçinin cənab prezidentinin orada istər Qarabağ problemi ilə bağlı, istərsə regional və beynəlxalq təhlükəsizliyə bağlı mövqeləri sübut edir ki, Azərbaycan bu ailənin tam hüquqlu üzvüdür. Ölkəmiz maksimum dərəcədə çalışır ki, istər Suriya ətrafındakı problemlərin çözümü üçün, eləcə də Rusiya ilə Türkiyə arasında son dövr daha da intensivləşən soyuq münasibətlərin mənfi istiqamətdə dərinləşməsinin qarşısı alınsın. Yəqin ki, Türkiyə prezidenti Rəcəb Tayyib Ərdoğanın yaxın günlərdə Gəncəyə səfəri zamanı da Azərbaycan prezidenti bir daha da təkcə bizim coğrafiyanın problemi deyil, regionüstü məsələlərdə də öz rolunu uğurla ifadə edəcək”.

Z.Orucun sözlərinə görə, konkret Münhen Konfransında iştirak, orada keçirilən görüşlər Azərbaycan üçün bir sıra mühüm məsələlərdə əhəmiyyətlidir: “Almaniya ilə Azərbaycan arasında müxtəlif məsələlərlə bağlı soyuq münasibətlər yaranmışdı. Ondan öncə də Böyük Britaniyada Çöten Haus Siyasi İnstitutu – əslində hər kəs bilir ki, bu qurum Britaniyanın siyasi dairələrinə bağlı mərkəzdir – Dağlıq Qarabağdakı separatçı rejimin rəhbəri Bako Saakyanı dəvət etmişdi və bu, Azərbaycanın kəskin narazılığına səbəb olmuşdu. İstər Almaniya, istər Britaniya ilə müxtəlif məsələlərdə çox ciddi fikir ayrılıqları mövcud idi. Soyuqlaşmanı inkar eləmək çətin idi.

Hətta bir sıra layihələrdən imtina olunmuşdu. Həmçinin Britaniyanın yüksək görəv sahiblərinin Azərbaycana səfərləri də təxirə salınmışdı. Bir az məlumatlı insan kimi deyə bilərik ki, ayrı-ayrı diplomatik əlaqələrin qırılması fonunda bundan həm də iqtisadi-siyasi maraqlarımız ziyan çəkirdi. Təbii ki, bu, qarşı tərəfin də mənafelərinə ziyan vururdu. İndi artıq bu soyuqluqlar istiləşib. Ölkə başçısı Almaniyanın xarici işlər naziri ilə görüşdü. Bu görüş də sübut elədi ki, Azərbaycan tərəfindən Qərblə münasibətləri bağlamaq, dayandırmaq, əlaqələrdən imtina etmək, xarici siyasətini bir qütbə doğru indeksləmək mövqeyi yoxdur. Nə insan haqları, nə demokratiya, nə başqa məsələlər bizim əlaqələrimizi kəsmək üçün səbəb ola bilməz. Deyirdilər ki, bu, yalnız neft və qaz üzərində qurulmuş dostluqdur, əlaqələrdir. Amma göründüyü kimi, dünyada neftin və qazın rolu xeyli dərəcədə aşağı düşüb. Lakin bununla bərabər, Azərbaycan Avropa dairələri ilə öz əlaqələrini yüksək bir şəkildə saxlamaqda davam edir”.

Deputat onu da bildirdi ki, bu gün təhlükəsizlik məsələləri dünyanın ön məsələsinə çevrilib. Azərbaycan təhlükəsizliyə öz töhfəsini verməyə hazır ölkə olduğunu haqqında söhbət gedən konfransda iştirakı ilə ortaya qoydu: “Bölgədə böyük hərbi hərəkətlənmə mövcuddur. Bu, Azərbaycanın maraqlarına mənfi təsir göstərir. O biri yandan da Ermənistan öz avantürist hərəkətlərindən geri durmur. Azərbaycan prezidenti təkbaşına bütün siyasi diplomatik işləri yüksək səviyyədə görməyi ilə bir tərəfdən Ermənistanın parçalayıcı, təxribatçı mövqelərinə zərbə vurur, o biri yandan Azərbaycanın bölgədə gərəkli siyasi tərəf olduğunu, Avropa və bütün region dövlətləri üçün mühüm tərəfdaş olduğunu bir daha da göstərir. Hesab edirəm ki, cənab prezident bütün beynəlxalq əlaqələri yüksək səviyyədə saxlamaqla Azərbaycanın təcrid olunmasının qarşısını alır. Bu istəkdə olan dairələrin mövqeyinə zərbə vurur”.

Zahid Oruc öncə bildirdi ki, əgər prezidentin son dörd aydakı fəaliyyətinin əsas məqamlarına diqqət yetirməli olsaq, deməliyik ki, heç şübhəsiz, burada ölkə daxilindəki sosial-iqtisadi məsələlər üstünlük təşkil edib. Demək olar ki, qərarların 70-80 faizini əsasən maliyyə-iqtisadi sabitliyin təmin olunması üçün və islahatların dərinləşdirilməsi, qeyri-neft sektorunun inkişafı məsələləri təşkil edib.

Lakin bununla bərabər olaraq Azərbaycan prezidenti beynəlxalq siyasi hadisələri dərindən təhlil etmək və orada ölkəmizin maraqlarını güclü bir şəkildə qorumaq üçün də həm Davos Forumu, sonra Londonda Suriyaya dəstək konfransı, ardınca isə Münhen Təhlükəsizlik Konfransında iştirak etdi.

Bu, dəqiq hədəflərə yönəlmiş bir xarici siyasət kursudur: “Açıq demək lazımdır ki, bu tədbirlərin tribunası kifayət qədər böyükdür. Dünyanın əsas informasiya vasitələri bu tədbirləri hər gün işıqlandırır və onun üzərindən həm ölkəmizin müxtəlif diplomatik maraqlarını təqdim etmək, mövqeyini ortalığa qoymaq imkanları əldə edilir. Bir çoxları düşünə bilərdi ki, Azərbaycanın bu və ya digər səbəblərə görə sanksiya rejimi altına salmaq istəyən dairələrin mövqeyi üstünlük təşkil edəcək, Azərbaycan əsas siyasi qərarları verən beynəlxalq qüvvələrdən kənar düşəcək, Azərbaycanın yolları bloklanacaq, bizim ölkəmizlə tərəfdaşlıq etmək istəyən Qərb dairələrinin əlaqələri kəsiləcək və sair.

Bunlar baş vermədi. Həm Davosda keçirilən görüşlərə, həm London və Münhendəki görüşlərin ümumi dairəsi, həmçinin cənab prezidentinin orada istər Qarabağ problemi ilə bağlı, istərsə regional və beynəlxalq təhlükəsizliyə bağlı mövqeləri sübut edir ki, Azərbaycan bu ailənin tam hüquqlu üzvüdür. Ölkəmiz maksimum dərəcədə çalışır ki, istər Suriya ətrafındakı problemlərin çözümü üçün, eləcə də Rusiya ilə Türkiyə arasında son dövr daha da intensivləşən soyuq münasibətlərin mənfi istiqamətdə dərinləşməsinin qarşısı alınsın. Yəqin ki, Türkiyə prezidenti Rəcəb Tayyib Ərdoğanın yaxın günlərdə Gəncəyə səfəri zamanı da Azərbaycan prezidenti bir daha da təkcə bizim coğrafiyanın problemi deyil, regionüstü məsələlərdə də öz rolunu uğurla ifadə edəcək”.

Z.Orucun sözlərinə görə, konkret Münhen Konfransında iştirak, orada keçirilən görüşlər Azərbaycan üçün bir sıra mühüm məsələlərdə əhəmiyyətlidir: “Almaniya ilə Azərbaycan arasında müxtəlif məsələlərlə bağlı soyuq münasibətlər yaranmışdı. Ondan öncə də Böyük Britaniyada Çöten Haus Siyasi İnstitutu – əslində hər kəs bilir ki, bu qurum Britaniyanın siyasi dairələrinə bağlı mərkəzdir – Dağlıq Qarabağdakı separatçı rejimin rəhbəri Bako Saakyanı dəvət etmişdi və bu, Azərbaycanın kəskin narazılığına səbəb olmuşdu. İstər Almaniya, istər Britaniya ilə müxtəlif məsələlərdə çox ciddi fikir ayrılıqları mövcud idi. Soyuqlaşmanı inkar eləmək çətin idi.

Hətta bir sıra layihələrdən imtina olunmuşdu. Həmçinin Britaniyanın yüksək görəv sahiblərinin Azərbaycana səfərləri də təxirə salınmışdı. Bir az məlumatlı insan kimi deyə bilərik ki, ayrı-ayrı diplomatik əlaqələrin qırılması fonunda bundan həm də iqtisadi-siyasi maraqlarımız ziyan çəkirdi. Təbii ki, bu, qarşı tərəfin də mənafelərinə ziyan vururdu. İndi artıq bu soyuqluqlar istiləşib. Ölkə başçısı Almaniyanın xarici işlər naziri ilə görüşdü. Bu görüş də sübut elədi ki, Azərbaycan tərəfindən Qərblə münasibətləri bağlamaq, dayandırmaq, əlaqələrdən imtina etmək, xarici siyasətini bir qütbə doğru indeksləmək mövqeyi yoxdur. Nə insan haqları, nə demokratiya, nə başqa məsələlər bizim əlaqələrimizi kəsmək üçün səbəb ola bilməz. Deyirdilər ki, bu, yalnız neft və qaz üzərində qurulmuş dostluqdur, əlaqələrdir. Amma göründüyü kimi, dünyada neftin və qazın rolu xeyli dərəcədə aşağı düşüb. Lakin bununla bərabər, Azərbaycan Avropa dairələri ilə öz əlaqələrini yüksək bir şəkildə saxlamaqda davam edir”.

Deputat onu da bildirdi ki, bu gün təhlükəsizlik məsələləri dünyanın ön məsələsinə çevrilib. Azərbaycan təhlükəsizliyə öz töhfəsini verməyə hazır ölkə olduğunu haqqında söhbət gedən konfransda iştirakı ilə ortaya qoydu: “Bölgədə böyük hərbi hərəkətlənmə mövcuddur. Bu, Azərbaycanın maraqlarına mənfi təsir göstərir. O biri yandan da Ermənistan öz avantürist hərəkətlərindən geri durmur. Azərbaycan prezidenti təkbaşına bütün siyasi diplomatik işləri yüksək səviyyədə görməyi ilə bir tərəfdən Ermənistanın parçalayıcı, təxribatçı mövqelərinə zərbə vurur, o biri yandan Azərbaycanın bölgədə gərəkli siyasi tərəf olduğunu, Avropa və bütün region dövlətləri üçün mühüm tərəfdaş olduğunu bir daha da göstərir. Hesab edirəm ki, cənab prezident bütün beynəlxalq əlaqələri yüksək səviyyədə saxlamaqla Azərbaycanın təcrid olunmasının qarşısını alır. Bu istəkdə olan dairələrin mövqeyinə zərbə vurur”.