Nigeriyanın Kano əyalətində ən azı 45 nəfər “diaqnoz qoyulmamış xəstəlik” səbəbindən ölüb. Səlahiyyətlilər xəstəliyin dəqiq səbəbini müəyyən etmək üçün su və qan nümunələrinin toplandığını açıqlayıb.
Elchi.az xəbər verir ki, Nigeriyada müəmmalı xəstəlik can almaqda davam edir.
Milli mətbuatda yayılan xəbərlərə görə, Gündütse kəndində bəzi insanlar ishal və qusma əlamətləri yaşayıb.
Əksəriyyəti qadınlar, uşaqlar və qocalar olan ən azı 45 nəfər diaqnoz qoyulmayan xəstəlik səbəbindən dünyasını dəyişib.
Əvvəlcə malyariya və ishal kimi ümumi xəstəliklərə yoluxduqlarını düşünən yerli əhali ölənlərin sayının artacağından narahatdır.
Gundutse’deki səhiyyə rəsmiləri xəstəliklə bağlı Kano Səhiyyə Nazirliyinə məlumat verdiklərini açıqladılar.
Rəsmilər xəstəliyin dəqiq səbəbini müəyyən etmək üçün su və qan nümunələrinin toplandığını bildiriblər.
Gündütse sakinləri analiz nəticələrini gözləyərkən kənddəki gigiyena şəraitinin pis olmasının xəstəliyin yaranmasına səbəb ola biləcəyini düşünürlər.
Sokoto əyalət hökuməti də aprelin 7-də əyalətdə diaqnoz qoyulmayan xəstəlik səbəbindən 3 uşağın öldüyünü, 127 uşağın xəstəxanaya yerləşdirildiyini açıqlayıb.
Şayəstə Hüseynova
