“Bu məsələni Ermənistan tərəfi ilə müzakirə edəcəyik”
Rusiya vətəndaşı olan Dilqəm Əsgərovun saxlanılması məsələsini Ermənistanla müzakirə edəcək. ANS PRESS-in məlumatına görə, bunu Rusiyanın xarici işlər naziri Sergey Lavrov illik mətbuat konfransında deyib.
“Dilqəm Əsgərovu erməni tərəf saxlayıb. Biz bu məsələni onlarla müzakirə edəcəyik”.
Nazir bildirib ki, Rusiyanın dünyanın müxtəlif ölkələrində saxlanılan çox sayda vətəndaşları var və onların taleyi ilə müntəzəm olaraq maraqlanırlar.
Onun sözlərinə görə, Rusiya vətəndaşlarının saxlanılma səbəbləri haqqında, onlara qarşı sürülən ittihamların ağırlığı, hansı şəraitdə saxlanılması, saxlanılan vətəndaşlar barədə hansı planların mövcudluğunu müəyyən edir və bunlar əsasında müvafiq qərar qəbul edir.
Xatırladaq ki, Dilqəm Əsgərov, Şahbaz Quliyev və Həsən Həsənov ötən ilin iyul ayında Kəlbəcərdə ermənilər tərəfindən girov götürülüblər. H.Həsənov qətlə yetirilib, digərlərinin üzərində isə ötən ilin son aylarında qondarma məhkəmə qurulub. D.Əsgərov oyuncaq məhkəmənin qərarı ilə ömürlük, Şahbaz Quliyev isə 25 il azadlıqdan məhrum edilib.
ANS PRESS
