Donbasın Peski qəsəbəsi separatçıların nəzarətinə keçib. 
Axar.az xəbər verir ki, bu barədə qondarma qurumun qərargah komandirinin müavini Eduard Basurin məlumat yayıb. Onun sözlərinə görə, hazırda döyüşlər davam edir.
Basurinin sözlərinə görə, separatçıların vəzifəsi yaşayış məhəllələrində atışmanın qarşısını almaq üçün düşməni şəhərin ərazisindən mümkün olduğu qədər uzağa çıxarmaqdır.
Ukrayna prezidentinin məsləhətçisi Yuri Biryukov isə separatçıların Peski qəsəbəsini mühasirəyə almasına dair informasiyaların həqiqəti əks etdirmədiyini bildirib.
Bu arada Ukrayna DİN separatçıların rəhbərlərinə qarçı cinayət işi açıldığı barədə xəbər yayıb. DİN-in saytında yerləşdirilən məlumatda bildirilir ki, qondarma qurumun rəhbərliyi 80 ağır və xüsusi ağır cinayət törədib.
Ukrayna DİN qondarma “Donetsk Xalq Respublikası” rəhbərləri və üzvlərinin cinayətlərini Ukrayna Cinayət Məcəlləsinin 258-3-cü maddəsinin birinci bəndi ilə təsnif edib. Onlar Donetsk vilayətində terrorçu təşkilatın yaradılmasında ittiham olunurlar.
