“Əgər Kiyev Donbasın təmizlənməsi əməliyyatını uğurla başa çatdırsa, o zaman Ukrayna ordusu Krıma kurs
götürəcək və o halda Rusiya döyüşməli olacaq”. Musavat.com-un məlumatına görə, belə bir proqnozu “Avrasiya hərəkatı”nın lideri, Kremlə yaxın millətçi politoloqlardan sayılan Aleksandr Duqin Rusiya radiosunun efirində çıxış edərkən səsləndirib.
götürəcək və o halda Rusiya döyüşməli olacaq”. Musavat.com-un məlumatına görə, belə bir proqnozu “Avrasiya hərəkatı”nın lideri, Kremlə yaxın millətçi politoloqlardan sayılan Aleksandr Duqin Rusiya radiosunun efirində çıxış edərkən səsləndirib.Onun sözlərinə görə, hər şey nisbidir: “Müharibədən qaçmaq istərkən biz müharibə alacağıq. Və ya müharibəni başlamamaq üçün müharibəyə başlayacağıq”.
Duqinin fikrincə, ukraynalılar Rusiya ilə öz şüurlarında müharibə aparırlar: “Çünki onlar hesab edirlər ki, Rusiya Donetsk və Luqansk könüllülərinə hərbi dəstək verir… Ancaq bu, birtərəfli müharibədir – Ukrayna hesab edir ki, o bizimlə vuruşur və biz də onunla vuruşuruq. Biz isə belə hesab eləmirik. Ona görə də onların sanksiyaları qlobal xarakter daşıyır, bizimkilər isə yalnız ayrı-ayrı, neonasistləri maliyyələşdirən oliqarxlara toxunur”.
