2 gün əvvəl Azərbaycanda səfərdə olan ABŞ Dövlət katibinin Avropa və Avrasiya məsələləri üzrə köməkçisi Karen Donfrid İrəvana gedib.
Elchi.az Ermənistan KİV-lərinə istinadən xəbər verir ki, bu barədə ABŞ-ın Ermənistandakı səfirliyi məlumat yayıb.
Bildirilib ki, amerikalı diplomat səfər çərçivəsində Ermənistanın Baş naziri Nikol Paşinyanla, həmçinin digər rəsmi şəxslərlə görüşəcək.
Danışıqların gündəliyində Ermənistan və Azərbaycan arasında uzunmüddətli sülhün bərqərar olması üçün diplomatik səylərə ABŞ-ın yardımının da daxil edildiyi açıqlanıb.
