ANS PRESS-in bölgə müxbirinin verdiyi məlumata görə, hadisə rayonunu Mirzəqışlaq kəndində qeydə alınıb.
Kənd sakini 76 yaşlı Hacıağa Məmmədov polisə bildirib ki, nəvəsinə maşın almaq üçün yığdığı 4850 manat pul oğurlanıb. Şikayət əsasən polis əməliyyat keçirib.
Keçirilən əməliyyat zamanı oğurluqda şübhəli bilinən 42 yaşlı Sabit Katib oğlu Həsənov saxlanılıb. Quba rayon polis şöbəsinin müstəntiqi Mirmehdi Seyidovun ANS PRESS-in bölgə müxbirinə verdiyi məlumata görə, saxlanılan Sabit Həsənov verdiyi ilkin ehtimalda tutduğu əməli etiraf edib. O, bildirib ki, pulları şəxsi ehtiyaclarını ödəmək üçün oğurlayıb.
“Pulları oğurlayan Sabit Həsənov ev sahibi Hacıağa kişinin oğlu Əhmədin yaxın dostu, ailənin yaxşı tanıdığı insandır”, – deyə Mirmehdi Seyidov bildirib.
Saxlanılan Sabit Həsənov ANS PRESS-in bölgə müxbirinə bildirib ki, tutduğu əməldən çox peşmandır.
“Danışmaq istəmirəm. Nə deyə bilərəm axı? Qoyun dərdimi özüm çəkim. Çox peşmanam”, – deyə Sabit Həsənov bildirib.
