Polşa prezidenti Anjey Duda Ukrayna-Rusiya müharibəsi başlayandan bəri Ukrayna prezidenti Volodimir Zelenski ilə əlaqə saxladıqlarını bildirib.
A.Duda qeyd edib:
“Kiyevin daha çox silaha ehtiyacı var. Əgər biz çoxlu müasir texnika ötürməyə davam etsək, ukraynalıların Rusiyanı dayandırma potensialı var”.
Elchi.az xarici mediaya istinadən xəbər verir ki, Duda Davosda Dünya İqtisadi Forumunda (WEF) çıxışı zamanı Zelenskiyə “Biz heç vaxt təslim olmayacağıq”- sözlərini deyib.
Ukraynanın müharibə başlayandan bəri hərbi dəstəyə ehtiyacı olduğunu vurğulayan Duda, bu mövzuda Zelenski ilə müzakirə apardıqlarını vurğulayıb:
“Kiyevin daha çox silaha ehtiyacı var. Zelenski bunu bizə həmişə deyib. Əgər biz çoxlu müasir texnika ötürməyə davam etsək, ukraynalıların Rusiyanı dayandırmaq potensialı artacaq”.
Eyni iclasda çıxış edən Litva Prezidenti Gitanas Nauseda müharibə səbəbiylə çətin vəziyyətin olduğuna diqqət çəkərək, “Bu çətin vəziyyətdə belə birlik, həmrəylik və məhsuldar birlik göstərə bildik”,-deyə qeyd edib.
Ukraynaya dəstəyin artırılmasının vacibliyini vurğulayan Nauseda bu mövzuda Polşa ilə razılaşdıqlarını bildirib.
Rusiyanın enerji qaynaqlarından asılılığının azaldılmasına yönəlmiş bütün fəaliyyətlərin dəstəklənməli olduğunu bildirən Nausea, Litvanın bir il əvvəl buna nail olduğunu və bunun bütün Avropa İttifaqında (Aİ) həyata keçirilməli olduğunu vurğulayıb.
Yeganə
