Moskva vilayətinin Ramenski rayonunda paytaxta doğru hərəkət edən pilotsuz təyyarənin vurulduğu bildirilir.
Elchi.az xəbər verir ki, mövzu ilə bağlı açıqlamanı şəhər meri Sergey Sobyanin verib. Hadisə nəticəsində ölən və yaralanan olmayıb. Hücum səbəbilə şəhərin cənubundakı Domodedovo hava limanı bir müddət uçuşlara bağlanıb.
Bu arada rəsmilər Ukrayna ilə sərhəddə yerləşən Rostov vilayətində iki PUA-nın vurularaq zərərsizləşdirildiyini açıqlayıb. Rusiya mətbuatı xəbər verir ki, maşınlardan biri Cənub Qrupu Ordu Komandanlığının qərargahı yaxınlığında qəzaya uğrayıb. Qərargah iki ay əvvəlki üsyan zamanı Vaqner qrupunun nəzarətinə keçmişdi.
Səhər saatlarında Bryansk vilayəti üzərində daha üç PUA-nın vurulduğu bildirilir.
Şayəstə Hüseynova
