Türkiyənin hakim Ədalət və İnkişaf Partiyasının sözçüsü Ömər Çelik partiyanın Ali Şurasının toplantısından sonra mətbuata açıqlamalar verib.
O, Prezident Rəcəb Tayyib Ərdoğanın göstərişi ilə Elazığın da fəlakət bölgəsi sayılacağını bildirib.
Beləliklə də, təbii fəlakətdən ən çox zərər çəkən vilayətlərin sayı 11-ə çatıb.
Çelikin sözlərinə görə, 200 mindən çox vətəndaş başqa əyalətlərə təxliyə edilib.
O, qeyd edib ki, bank hesabı olanlara 10 min TL yardım köçürülür, hesabı olmayanlara isə dövlət hesabı açıb yardım verilir.
