“Mən ilk dəfə idi ki, bu qədər azarkeş dəstəyi hiss edirdim. Bakı-2015 oyunlarının azarkeşləri çox fəaldır”.
APA-nın məlumatına görə, bunu I Avropa Oyunlarının yunan-Roma güləşi üzrə çempionu, Rusiya təmsilçisi Artyom Surkov «vestikavkaza” saytına müsahibəsində deyib.
O bildirib ki, bu vaxtadək iştirak etdiyi yarışlarda bu qədər fəallıq müşahidə etməyib. «Bakı-2015 Oyunlarında həm təşkilatçılıq, həm də azarkeşlərin fəallığı yüksək səviyyədədir. Olimpiya kəndində də idmançılar üçün yaxşı şərait yaradılıb», – deyə Surkov qeyd edib.
Xatırladaq ki, Surkov finalda erməni idmançı Miqran Arutyunyan üzərində 3:0 hesablı qələbə qazanaraq qızıl medala sahib olub.
