Türkiyənin Ailə və Sosial Xidmətlər naziri Mahinur Özdemir Göktaş sosial media hesabındakı paylaşımında bu gün Fələstin nazirləri ilə onlayn görüş keçirdiyini bildirib.
Elchi.az bu barədə Trthaber.com-a istinadən xəbər verir.
Qəzzada baş verən humanitar faciə və mülki şəxslərə qarşı hücumlarla bağlı həmkarlarına dərin narahatlığını və kədərini ifadə etdiyini qeyd edən Göktaş, sözlərini belə davam etdirdi:
“Fələstin xalqı ilə insani dəyərlərə söykənən, hər cür siyasətdən əvvəl nazirliklərimiz arasındakı əməkdaşlıqla həmrəyliyimizi davam etdirmək əzmində olduğumuzu vurğuladım. Bu baxımdan, himayəsi altında hərəkətə keçmək istədiyimizi bildirdim. Birinci xanım Əminə Ərdoğan ilk növbədə hücumlardan təsirlənən uşaqlara kömək əlini uzatdı. İsrailin mülki şəxslərə qarşı hücumları nəticəsində yaralı və ya yetim uşaqlarımızı ölkəmizə gətirmək, müalicələrini təmin etmək və götürmək üçün hərəkətə keçmək istədiyimizi bildirdim. İsrailin hücumları bitənə qədər həmin uşaqlar himayə altındadır.
Göktaş bu çərçivədə Fələstinli həmkarları ilə nazirliklərinin fəaliyyət sahələrinə aid mövzularda ortaq işçi qrupları yaratmaq mövzusunda razılaşdıqlarını ifadə edərək deyib: “Bu hücumların və işğalın ən qısa zamanda sona çatması üçün üzərimizə düşəni edirik. Beynəlxalq hüquq qaydalarını tətbiq etməklə və fələstinlilərin öz torpaqlarında azad və təhlükəsiz yaşamalarını təmin etmək lazımdır. Bunu etməkdə qərarlı olduğumuzun bilinməsini istəyirəm.
Qeyd edək ki, Türkiyənin Birinci xanımı Əminə Ərdoğanın himayəsi ilə ukraynalı müharibə qurbanı olan uşaqlar da Türkiyəyə gətirilərək himayə altına alınıb.
Yeganə
