“Ermənistana maliyyə axını azalmaqda davam edir. Musavat.com-un məlumatına görə, bu barədə Ermənistanın “Joxovurd” qəzeti yazıb. Nəşrin bildirdiyinə görə, fevral ayında transfertlərin təmiz axını, yəni daxil olan və ölkədən çıxarılan maliyyə vəsaitləri arasında müsbət saldo 27,5 milyon dollar olub.
“Ancaq ən önəmlisi odur ki, transfertlərin həcminin ümumi azalması fonunda Ermənistandan qeyri-ticari pul çıxarışının həcmi qalmaqdadır. Üstəlik, konkret olaraq Rusiya timsalında qeyri-ticari köçürülmələrin həcmi artmaqda davam edir. Bu da o deməkdir ki, Rusiyada yaşayan bizim bir çox həmvətənimiz maliyyə problemləri ilə üzləşir və onlara Ermənistandakı qohumları əl uzadır”, – deyə qəzet qeyd edir.
“Heç kim inkar eləmir ki, Ermənistan iqtisadiyyatı ağır böhran işindədir. Lakin bundan da təhlükəlisi odur ki, yaranmış vəziyyətdən çıxış yolları görünmür” – əlavə edir qəzet.
