“Ermənistanın APRİ mərkəzinin iki əməkdaşı The Jerusalem Post üçün yazdıqları məqalədə Qərb, Rusiya və İranın sülhyaratma təşəbbüslərinin effektiv olmadığını iddia edərək İsraili Azərbaycanla Ermənistan arasında vasitəçilik etməyə çağırıb”.
Elchi.az xəbər verir ki, bu sözləri Prezident Administrasiya İctimai-siyasi məsələlər şöbəsinin Mətbuat və informasiya orqanları ilə iş sektorunun sabiq müdiri Cəmaləddin Quliyev Feysbuk hesabında qeyd edib:
“Yazıda ənənəvi erməni təbliğat tezislərini, xaçdaşları, qədim erməni mədəniyyəti haqda cəfəngiyatı və Azərbaycanın hərbi təcavüzü haqda yeni iddiaları kənara qoysaq, əsas diqqət çəkən məqam İsrailin vasitəçi kimi bölgəyə dəvət edilməsidir.
Bu o zaman baş verir ki, İranın xarici işlər naziri və fəaliyyətdə olan prezidenti Ermənistanın ərazi bütövlüyünü öz “qırmızı cizgiləri” elan edir, İsrailin bölgədə hər hansı fəallığını qəbul etmədiklərini xüsusi vurğulayırlar. Üstəlik, İran mediası əlavə hərbi hissələrin Azərbaycanla sərhəddə dislokasiyası haqda məlumatlar dərc edirlər.
Bu çağırışı Ermənistanın İranın öz köməyini və ya vasitəçiliyi ona zorla qəbul etdirmək cəhdinə ilk reaksiyası da saymaq olar. İndi İranın təşəbbüsə necə yanaşacağı maraqlıdır.
Xatırladaq ki, APRİ(Ermənistan tətbiqi siyasi tədqiqatlar institutu) Ümumerməni Xeyriyyə İttifaqı tərəfindın təsis edilib, əsasən xaricdən (diaspordan) gələn ianələrlə maliyyəlşdirilir, əməkdaşları( müəllifləri) da müxtəlif Qərb universitet və düşüncə mərkəzlərində çalışan erməni əsilli şəxslərdən ibarətdir”.
Yeganə
