Ərdoğan İrəvana gedəcəkmi?
“İraqda və Suriyada böyük xristian erməni icmaları vardı və onlar müsəlmanlarla harmoniyada yaşayırdılar. Ancaq indi biz görürük ki, bu bölgədə xristianlığın izləri silinir. Biz balaca ölkəyik, ancaq erməni hökuməti həmişə böyük koalisiyaların bölgədə sabitlik yaratmaq səylərini dəstəkləyib. Oktyabrın sonunda erməni kontingenti BMT-nin sülhməramlı missiyasının tərkibində və İtaliya komandanlığı altında Livanda yerləşdiriləcək”. Bunu Vatikanda səfərdə olarkən Ermənistan prezidenti Serj Sərkisyan Corriere della Sera qəzetinə müsahibəsində deyib.
Bizimyol.info həmin nəşrə istinadla xəbər verir ki, Sərkisyan Vatikana Azərbaycandan və Türkiyədən də donos verib. O deyib ki, Qarabağ problemi tezliklə həll olunmayacaq. Buna səbəb kimi o, Azərbaycanın sərt mövqeyini və Türkiyənin qondarma erməni genosidini tanımadığını göstərib. Sərkisyan deyib ki, o, Erdoğanı 2015-ci ildə uydurma genosidin ildönümündə iştirak etmək üçün İrəvana dəvət edib: “Türkiyə Prezidenti Erdoğanı ildönümünə dəvət etmişəm, amma inanmıram ki, gələ”.
