“Laçın dəhlizinin Ermənistanla şərti sərhəd nöqtəsinə kiçik gömrük postunu qoyulması istər 10 noyabr müqaviləsinin 6-cı bəndinin “Laçın dəhlizi” ilə əlaqəli hissəsinin, istərsə də ümumən “Laçın dəhlizi” anlayışının iflasa uğradığının sübutudur. Gömrük postu qoyulması dəhliz anlayışını inkar etmək deməkdir. Bu, artıq dəhliz yox, iki məntəqə arasında əlaqə yoludur. Məntəqələr arsında gömrük postunun olması isə o deməkdir ki, bu, başqa dövlətin ərazisinə keçiddir”.
Bu fikirləri Elchi.az-açıqlamasında BAXCP sədrinin müşaviri, politoloq Azər Qasımov söyləyib:
“6-cı bəndə əsasən maneəsiz, yəni dəhliz üçün şərait yaradılması Azərbaycan və Naxçıvan arasındakı yol üçün də nəzərdə tutulub. Belə çıxır ki, bu halda belə durum Ermənistana da bəhanə verir ki, Azərbaycan və Naxçıvan yolunun hər iki başında gömrük postu yaratsın, eyni zamanda, bu, Ermənistana daha çox sərf edir. Çünki Ermənistan Qarabağın onun əlindən çıxması faktı ilə barışıb. Onsuz da Qarabağa təsir imkanlarını itirib, bu imkanları Rusiyaya verib. Amma Zəngəzur dəhlizində isə mexaniki olaraq Rusiyanın nəzarəti nəzərdə tutulsa da, siyasi qərar vermək hüququ Ermənistanın əlindədir. Lakin Ermənistan üçün bu, qeyd edilən sərf etmək anlamına gəlmir. Belə ki, istər dəhliz, istərsə də adi yol bizim üçün hər iki halda məqbuldur və uduşdir. Ermənistan üçün isə Qarabağ artıq itirilmiş bir gerçəklik olmaqla bərabər, eyni zamanda, gömrük postunun olması isə məsələnin kimin xeyrinə bitdiyinin əyani sübutu olacaq. Zəngəzurdakı yolun isə Ermənistan üçün əhəmiyyətindən danışmaq yersizdir, çünki bu yolun onlara heç bir aidiyyati yoxdur”.
Yeganə
