“Ermənistan Təhlükəsizlik şurasının katibi Armen Qriqoryan ABŞ səfər edib. Bundan bir neçə gün əvvəl, müdafiə naziri Suren Papikyan səfər etmişdi. Vaşinqtona iki təhlükəsizlik sisteminin rəsmisinin səfəri ABŞ -ın Ermənistana hərbi-siyasi yardımını müzakirə etmək və Azərbaycana qarşı cəbhə açmaqdır”.
Elchi.az xəbər verir ki, bu barədə politoloq Məhəmməd Əsədullazadə FB hesabında qeyd edib:
“Azərbaycan bu kimi səfərləri neytrallaşdırmaq üçün Vaşinqtonla diplomatik təması artırmalıdır.
ABŞ Ermənistanın hərbi yardım çağırışlarına mənfi cavab verir və bu ölkədə Rusiyanın mövqeyinin zəiflədilməsi istiqamətində addımlar atılmasını tələb edir.
Qeyd edim ki, ABŞ Azərbaycanla əlaqələri zərbə altına qoymamaq üçün Ermənistanı Azərbaycana qarşı silahlandırmayacaq. Ermənistan rəsmiləri Rusiyanın Ukrayna müharibəsində siyasi-hərbi zəifləməsindən istifadə edərək Vaşinqtondan təhlükəsizlik təminatı almaq istəyir. Amma, Vaşinqton Rusiyanın bu ölkədə hərbi bazasını və sərhədlərinin mühafizəsinin aradan qaldırılması istiqamətində addımlar atılmasını istəyir.
ABŞ hakimiyyətinin Azərbaycana qarşı siyasətində müsbət istiqamətdə siyasət davam etməsə də, bunu Ermənistanın leyhinə mənfiyə doğru dəyişməyəcək. Çünki, ABŞ regionda Azərbaycanın strateji əhəmiyyətini bilir və A.Qriqoryanın səfərində Azərbaycan deyil, Rusiya və İran məsələsinə Vaşinqton diqqət ayırır. İki ölkə arasında yüksək səviyyədə səfərlərin təşkili müəyyən qədər Yerevana arxayınlıq verməklə Azərbaycana qarşı yeni təxribatlara sövq etməsi mümkündür. Amma, ABŞ Ermənistanla Azərbaycan arasında növbəti eskalasiyada maraqlı deyil.
Ermənistan rəsmiləri intensiv səfərlərini Moskvanın yerinə Vaşinqtona edirlər. Bu, Ermənistan üçün müsbət perspektiv vəd etmir”.
Şayəstə
