Ermənistanda narkotik epidemiyası baş alıb gedir.
Elchi.az Musavat.com-a istinadən xəbər verir ki, bu sözləri Stenford Universitetinin siyasi elmlər doktoru Artur Xaçikyan mediaya açıqlamasında deyib.
“Məktəblərdə, universitetlərdə narkotik paylanır, hətta bəzi məlumatlar var ki, narkotik orduda, azyaşlılar arasında geniş yayılıb. Bu, böyük bir fəlakətdir. Bilirəm ki, bəzi tədbirlər görülür, hüquq-mühafizə orqanları müəyyən mübarizə aparır, lakin bu, daha intensiv olmalıdır”, – deyə Artur Xaçikyan bildirib.
Xaçikyanın sözlərinə görə, erməni gəncləri məhv edilir, cəmiyyət sözün əsl mənasında yuxuya verilir.
Erməni politoloqun bildirdiyinə əsasən, qonşu Gürcüstanda da narkotiklə bağlı dəhşətli vəziyyət yaranıb.
“Ermənistanda narkotiklərdən istifadə halları təxminən 95% artıb. Narkotik satan müxtəlif Teleqram kanalları belə mövcuddur”, – deyə erməni ekspert söyləyib.
