Ermənistanda bir əsgərin özünü asaraq öldürməsi faktı ilə 2010-cu ildən aparılan araşdırmanın qalmaqallı nəticələri üzə çıxıb.
Qeyri-hərbi şəraitdə ölən Valeri Muradyanın anası istintaqçı Armen Apresyanın ciddi qanun pozuntularına yol verdiyini iddia edir. Onun fikrincə istintaqçı bütün dəlilləri araşdırmadan işi aparıb.
Rəsmi versiyaya görə əsgər Valeri Muradyan özünü asaraq intihar edib. Bu məqsədlə o, metal stulun üstünə çıxıb. Lakin istintaq nə stulu, nə də onun geydiyi ayaqqabını araşdırmayıb.
“Mən inanıram ki, istintaqçı bunu qəsdən edib. Əgər mənim oğlum özünü asıbsa, onun əl izləri stulun üzərində qalmalı idi. O (istintaqçı) bunu araşdırmayıb, çünki stulun üzərində qatilin əl izləri var”- deyə Nana Muradyan bildirir.
Qadının etirazına isə ən maraqlı təpgi hakim Mnasakan Martirosyandan gəlib. Hakim istintaqçını yox, əsgər anasını öz iddialarını gec irəli sürdüyünə görə günahkar bilib. Hakim maraqlanıb ki, qadın niyə ayaqqabı barədə indi danışır. Muradyan buna cavab olaraq bildirib ki, o, əsas məhkəmədən sonra iddia olunan intiharın detalları ilə tanış olub. Bu zaman hakim qadına niyə vəkil köməyindən istifadə etmədiyini bildirib. O qadına ictimai hüquq təşkilatlarına müraciət etməyi tövsiyyə edib ki, onun sözlərinə görə bu təşkilatlarda vəkil xidməti pulsuzdur.
Vəkilin məhz bu sözləri nəinki Nana Muradyanı iclasda iştrak edən digər müəmmalı ölmüş əsgərlərin analarını da hirsləndirir. Onlar hakimə başa salıblar ki, vəkilin təkcə qəbulu minimum 5 min dram (10 dollar) məbləğindədir. Burada elə işlər var ki, 10 ildən çoxdur ki, davam edir. Belə olan təqdirdə onların istintaqı davam etməsi mümkün deyil. Hətta biz yox oliqarxlar da gəlsə bu qədər vəkillərə pul xərcləmək iqtidarında olmaz. Bundan əlavə bizim uşaqları öldürüblər. Bundan sonra deyirsiz ki, biz həqiqətin üzə çıxmasına pul xərcləyək?
Qeyd edək ki, ordunu saxlamaq iqtidarında olmayan Ermənistan höküməti əsassız iddialarına görə milləti istismar etməkdən belə çəkinmir. Orduda baş alıb gedən özbaşnalıq, intihar, fərarilik, qətl hadisələrinin sayını artıb. (anspress)
