“Hərbi xidmət və əsgərin statusu haqqında” Ermənistan Respublikasının qanununa dəyişiklik edilməsini nəzərdə tutan qanun layihəsi qadınların könüllü hərbi xidmət keçməsi üçün səs çoxluğu ilə qəbul edilib.
Elchi.az bu barədə Armenpress.am-a istinadən xəbər verir.
Ermənistanın müdafiə naziri Suren Papikyan açıqlamasında aşağıdakı ifadələrdən istifadə edib:
“Qadın vətəndaşlar üçün könüllü hərbi xidmət sistemi tətbiq edilib. 18-27 yaşlı Ermənistan Respublikasının vətəndaşları müraciət edə bilər. Onların hərbi xidmət müddəti 6 ay olacaq. Xidmətə qəbul edilən qadın əsgərlər püşkatma olmadan təlim bölməsinə təyin olunacaqlar və onlar birlikdə hərbi xidmətini başa vuracaqlar. Bu məqsədlə xüsusi qadın batalyonunun yaradılması prosesi müqavilə ilə olan qadınların rəhbərlik etmələri ilə davam etdirilir”.
Hərbi xidmətdə olmaq istəyən qadınlar çağırış müddətinə qədər göstərilən müddətlərdə ərizə ilə müraciət etdikdə növbəti müddətdə həqiqi hərbi xidmətə çağırılacaqlar.
Yeganə
