Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyi Şəhid Sübhan Mahir oğlu Abdurəhmanlının anası Mehriban Abdurəhmanlının evsiz olması iddialarına aydınlıq gətirib.
Agentliyin mətbuat xidmətinin rəhbəri Murad Həşimov Elchi.az-a bildirib ki, M. Abdurəhmanlıya dövlət tərəfindən mənzil veriliməsini təsdiqləyib:
“Abdurəhmanlı Mehriban Səftər qızı 17 sentyabr 2021-ci ildə Ramana Yeni Yaşayış Kompleksində üçotaqlı mənzillə təmin olunub”.
Sosial şəbəkələrdə Sabunçu rayonunda şəhid anasına məxsus olduğu deyilən evin sökülməsi ilə bağlı video yayılıb. Şəhid Sübhan Mahir oğlu Abdurahmanlının anası Mehriban Abdurahmanlı ağlayaraq bildirib ki, ona bağışlanan torpaq sahəsində tikmək istədiyi ev başına uçurulub. Şəhid anası qeyd edib ki, evin tikilməsi üçün İcra Hakimiyyətindən 3 min manat rüşvət istəyiblər.
Sabunçu rayon İcra Hakimiyyətinin başçısı Adil Vəliyev iddialarla razılaşmayaraq, dövlət tərəfindən şəhid anasına ev verildiyini bildirib.
