İngiltərənin paytaxtı Londonda İsrailin fələstinlilərə qarşı siyasəti, Qəzzanı blokadaya alması və Qəzzaya hücumları etiraz edilib.
Elchi.az xəbər verir ki, Fələstin Həmrəylik Kampaniyası, Əl-Əqsa Dostları Platforması, İngiltərə Fələstin Forumu, İngiltərə Müsəlman Liqası və Müharibəni Durdur Koalisiyasının çağırışı ilə minlərlə insan Londondakı İsrail səfirliyi qarşısına toplaşıb.
Qəzza və Fələstinlə həmrəylik nümayiş etdirmək istəyən nümayişçilər “Ədalət, hərəkət, boykot, sanksiyalar istəyirik”, “Fələstin İordan çayından Aralıq dənizinə qədər azad olacaq”, “Azad Fələstinə” şüarları səsləndirib.
Əl-Əqsanın Dostları Platformasının prezidenti İsmayıl Patel nümayişçilər qarşısında çıxışında Fələstinin 75 illik işğalı zamanı 7 milyon fələstinlinin qaçqın vəziyyətinə düşdüyünü, 16 illik blokadaya görə insanlığın İsrail tərəfindən tapdalandığını bildirib.
HƏMAS-ın İsrailə qarşı başlatdığı hücumlar nəticəsində ölümlərdən İsrailin ayrı-seçkilik siyasəti ilə məsuliyyət daşıdığını qeyd edən Patel, beynəlxalq ictimaiyyətin bu siyasətlərə son qoyması üçün İsrailə təzyiq etməli olduğunu bildirib.
Nuranə Məmmədova
