Elchi.az xəbər verir ki, Fələstinin baş naziri və xarici işlər naziri Məhəmməd Mustafa Səudiyyə Ərəbistanına ilk səfəri zamanı Səudiyyə Ərəbistanının xarici işlər naziri Feysəl bin Fərhan ilə görüşüb.
Fələstinin baş naziri və xarici işlər naziri Məhəmməd Mustafa keçən ay vəzifəyə gəldikdən sonra ilk səfərini Səudiyyə Ərəbistanına edib. Baş nazir Mustafa ötən gecə Məkkədə Səudiyyə Ərəbistanının xarici işlər naziri Feysəl bin Fərhan ilə görüşüb. Görüşdə Qəzzada fövqəladə atəşkəs, mühasirədə olan bölgəyə humanitar yardım axınının artırılması səyləri, İordan çayının qərb sahilindəki vəziyyət və yeni Fələstin hökumətinin işi müzakirə edilib. Baş nazir Mustafa, “Bizim əsas prioritetimiz xalqımıza qarşı hücumu dayandırmaq, Qəzza zolağında yardım əməliyyatlarını sürətləndirmək, səhiyyə, təhsil, elektrik, su və kanalizasiya kimi infrastrukturun yenidən qurulması və təmiri üçün əhatəli planlar hazırlamaqdır” deyib.
Şayəstə Hüseynova
