Fələstin Qanunvericilik Şurasının üzvü Mustafa Barquti ABŞ prezidenti Co Baydenin İsrailə səfərini fəlakətli səhv adlandırıb. Elchi.az xəbər verir ki, bu barədə Fələstin parlamentinin üzvü “CBS” telekanalına müsahibəsində bildirib.
O, Amerika liderinin niyə İsrailə dayanmasını söyləmək əvəzinə, onu qurudan işğala sövq etməsi ilə bağlı çaşqınlıq ifadə edib. Barquti Baydenin İsrailə səfərinin fəlakətli səhv olmasının üç səbəbini də göstərib.
“İlk növbədə, bu, siyasi və diplomatik baxımdan böyük uğursuzluq idi, çünki israillilərdən başqa heç kim onunla danışmaq istəmir. İkincisi, bu, strateji səhvdir, çünki o, ABŞ-ı müharibə cinayətlərinin törədildiyi çox təhlükəli zonaya çəkir. Üçüncüsü, ona görə ki, bu, sülh prosesinin olmaması vəziyyətini davam etdirir”, – deyə deputat bildirib.
Fələstinin baş naziri Mohammed Shtayyeh daha əvvəl bildirib ki, ABŞ-ın Yaxın Şərqdə İsrail və Fələstin arasında münaqişəni dayandırmağa iradəsi yoxdur.
Havar Şəfiyeva
