Fələstin Xarici İşlər Nazirliyi İsrailin Qəzza zolağına hücumları və artan gərginliyi müzakirə etmək üçün Ərəb Liqasının nazirlər səviyyəsində fövqəladə iclas çağırıb.
Elchi.az xəbər verir ki, Fələstin Xarici İşlər Nazirliyi Fələstinin daimi nümayəndəsinin Ərəb Liqasını təcili toplantıya çağırdığını açıqlayıb.
Bildirilib ki, görüş çağırışı İsrailin Fələstin xalqına qarşı zorakılıqlarını artırması səbəbindən edilib.
HƏMAS-ın hərbi qanadı Qəssam Briqadaları bu gün səhər saatlarında İsrailə qarşı “Əqsa tufanı” adlı hərtərəfli hücuma keçdiyini açıqlayıb. Qəzzadan İsrailə doğru minlərlə raket atılarkən, silahlı qruplar bölgədəki yaşayış məntəqələrinə daxil olub.
İsrail ordusu da onlarla döyüş təyyarəsi ilə Qəzza zolağına hücum edib.
Qəzzadakı Fələstin Səhiyyə Nazirliyi İsrailin Qəzzaya hücumları nəticəsində 232 nəfərin həyatını itirdiyini, 1697 nəfərin isə yaralandığını açıqlayıb.
İsrail mətbuatı indiyədək hücumlarda 300 israillinin öldüyünü, ölkə daxilində yaralananların sayının isə 1100-ü keçdiyini açıqlamışdı.
Nuranə Məmmədova
