Türkiyənin Amasya bölgəsinin Merzifon qəsəbəsində təlim uçuşu reallaşdıran F-16 reaktivi qəzaya uğrayıb.
Axar.az xəbər verir ki, ordu qüvvələrinin Baş qərargahından verilən məlumata görə, Türkiyə saatı ilə 10:49-da təlim uçuşu reallaşdıran 152-ci bölməyə aid bir ədəd F-16 qırıcısı saat 12:05-də Merzifonun 36 km cənub-qərbində qəzaya uğrayıb.
Hadisənin səbəbləri hələlik məlum deyil. Reaktivin pilotu paraşütlə tullanaraq xilas olub.
Hadisə ilə bağlı araşdırma aparılır.
