ABŞ Konqresinin Nümayəndələr Palatası Fələstin Azadlıq Təşkilatının (FAT) bütün üzvlərinin ABŞ-a girişini qadağan edən qanun layihəsini qəbul edib. Nümayəndələr Palatasının 422 üzvü qanun layihəsinin lehinə, iki qanunverici isə əleyhinə səs verib.
Elchi.az bu barədə TASS.ru-ya istinadən xəbər verir.
Təşəbbüs təşkilatın rəsmi şəxslərinin ölkəyə girişinə əvvəllər qoyulmuş qadağanı genişləndirir və Fələstin Azadlıq Təşkilatının bütün üzvlərinin ölkəyə girişinə qadağa qoyulmasını nəzərdə tutur. Qanun layihəsi həmçinin Fələstinin HƏMAS və İslami Cihad hərəkatları ilə əlaqəsi olan şəxslərin, habelə 2023-cü il oktyabrın 7-də İsrailə hücumda iştirak edən şəxslərin ABŞ-a girişini qadağan edir.
Bundan əlavə, sənədə əsasən, ABŞ vətəndaşlığı olmayan və oktyabr hadisələrində iştirak edən şəxslərin ölkədə immiqrasiya imtiyazları və müdafiəsi üçün, o cümlədən deportasiyadan özlərinə təhlükə ola biləcək dövlətə müraciət etmək hüququ yoxdur.
Yeganə
