Bu gün Fövqəladə Hallar Nazirliyinin Bakı Regional Mərkəzinin inzibati binasında FHN yanında İctimai şuranın növbəti iclası keçirilib.
Elchi.az-ın FHN-in saytına istinadən verdiyi xəbərə görə, ilin yekunlarına həsr olunmuş iclasda İctimai şuranın sədri Fuad Hacızadə, sədr müavini Mehman İsmayılov və şuranın digər üzvləri iştirak ediblər.
İclasda, əvvəlcə sədr Fuad Hacızadənin şuranın il ərzində fəaliyyətinə dair hesabatı dinlənilib.
Daha sonra İctimai şura üzvləri 2022-ci ilin fəaliyyət istiqamətləri və təsdiq olunmuş tədbirlər planı barədə geniş fikir mübadiləsi aparıblar.
