Filippinin paytaxtı Manila yaxınlığında 6,2 bal gücündə zəlzələ baş verib.
Elchi.az xəbər verir ki, ABŞ Geoloji Xidməti (USGS) zəlzələnin episentrinin paytaxt Manilanın 140 kilometr cənub-qərbində yerləşən Hukay olduğunu açıqlayıb.
İlk təsbitlərə görə, yerin 112 kilometr dərinliyində baş verən 6,2 bal gücündə zəlzələdə can və mal itkisi olmayıb.
Dünyanın ən yüksək seysmik aktivliyə malik ölkələrindən biri olan Filippin “Od halqası” kimi də tanınan Sakit Okean Zəlzələ Kəmərində yerləşir.
Nuranə Məmmədova






