Qərbin sanksiyaları həm də Rusiyanın sadə vətəndaşlarına qarşı yönəlib və Qərb ruslara Ukraynadakı vəziyyətin əvəzini ödəmək üçün alternativin olmadığını nümayiş etdirməlidir. Elchi.az xəbər verir ki, bunu Finlandiyanın xarici işlər naziri Elina Valtonen “The Washington Post”a müsahibəsində danışıb.
“Sanksiyalar həqiqətən sadə vətəndaşlara ziyan vurur. Rusiya və rus xalqı başa düşməlidir ki, müharibə aparmağın bir əvəzi var. Bizim bunu nümayiş etdirməyimiz çox vacibdir”, – deyə nazir bildirib.
Qeyd edək ki, sentyabrın 10-da Avropa İttifaqı rusiyalıların şəxsi smartfon və avtomobilləri ilə ölkəyə girişinə yeni qadağa elan edib.
Havar Şəfiyeva
